Antoine Leiris ka një dhimbje të madhe në zemër. Ai ka humbur bashkëshorten në sulmin terrorist që ndodhi të premten në mbrëmje në Batclan të Parisit. Një dhimbje e pamatshme e cila nuk ka mundur t’i heqë dëshirën për të bërë përpara, për të ecur dhe për të dashur. Në një letër të postuar në Facebook, ai shpreh mendimet që bluan në kokë. Bëhet fjalë për një letër që ka prekur mbarë botën. Ja teksti i saj.
“Të premten në mbrëmje keni rrëmbyer jetën e një personi të mrekullueshëm, dashurinë e jetës sime, nënën e fëmijëve të m’i, e megjithatë, nuk do të keni kurrë urrejtjen time. Nuk e di se kush jeni dhe as që dua ta marr vesh. Ju jeni shpirtra të vdekur. Nëse kjo Perëndia, në emër të së cilës vrisni verbërisht, ju ka mësuar kështu, atëherë çdo plumb në trupin e time shoqeje do të jtë një plagë në zemrën e tij, ndaj nuk do t’jua jap dhuratën e të të urryerit.
Do të ishte si të besoja në të njëjtën injorancë që ju ka bërë juve të jeni ata që jeni. Ju do të donit që unë t’ju kisha frikë, që të shikoja me dyshim njerëzit që më rrethojnë , që të sakrifikoja lirinë time për sigurinë. Por kjo e juaja është një betejë e humbur.
E pash sot në mëngjes. Më në fund, pas netësh e ditësh pritja. Ishte e bukur po aq sa edhe ditën që iku, të premten në mbrëmje, e bukur sa edhe kur u dashurova marrëzisht me të 12 vite më patë. Natyrisht që jam i shkatërruar nga dhimbja, po jua fal këtë fitore të vogël, e cila nuk do të zgjasë shumë. E di që ajo do të na shoqërojë çdo ditë dhe që do të ketë shkuar në parajsën e shpirtrave të lirë, aty ku shpirti juaj nuk ka për të shkuar kurrë.
Kemi ngelur vetëm dy: unë dhe im bir, por bashkë jemi më të fortë se të gjitha ushtritë e botës. Nuk kam kohë të tepërt që t’jua dedikoj juve. Duhet të shkoj tek Melvil, i cili do të zgjohet për të urinuar. Është vetëm 17 muajsh dhe do të hajë si çdo ditë ndërsa më pas do të luajmë bashkë, e kështu do të rritet dhe do të jetë pikërisht ky djalë i bukur e lumturia e tij do t’ju pengojë juve të jeni të lumtur dhe të lirë. Pasi ju nuk do të keni as urrejtjen më të vogël në zemrën e tij”./tesheshi.com/
