Një nga themeluesit e Microsoft, miliarderi dhe filantropi Bill Gates, paralajmëroi Presidentin Trump në dhjetor 2016, për kërcënimin e paraqitur nga pandemitë në Shtetet e Bashkuara, shkruan Wall Street Journal.
Gjatë takimit me presidentin e atëhershëm të sapozgjedhur, Gates diskutoi për rreziqet e sëmundjeve infektive dhe i bëri thirrje Trump që të përparojë në përgatitjen e vendit për këtë, thuhet në shkrim, duke shtuar se Gates këshilloi edhe kandidatët e tjerë presidencialë në zgjedhjet e vitit 2016.
Qysh në vitin 2015, Gates tha që viruset ishin “rreziku më i lartë për një katastrofë globale” në lidhje me kërcënime të tjera, raporton Business Insider.
“Nëse ndonjë gjë vret më shumë se dhjetë milion njerëz gjatë dekadave të ardhshme, ka shumë të ngjarë të jetë një virus shumë ngjitës, jo një luftë. Jo raketa por mikrobe,” tha Gates në atë kohë.
Ai theksoi se vendet harxhojnë shuma ta mëdhe parash për të shmangur një luftë bërthamore, dhe shumë pak për “sisteme për të ndaluar epideminë”.
“Uroj që të kisha bërë më shumë për të tërhequr vëmendjen ndaj këtij rreziku,” tha Gates për Wall Street Journal. /tesheshi.com/
