Kreu i grupit të PS-së, Taulant Balla, tha se tashmë është koha për një bashkëqeverisje me studentët, nëse vërtet këta të fundit kërkojnë reformimin e jetës universitare.
Sipas tij, dera e zgjidhjes është dialogu, edhe për plotësimin e 8 pikave.
“Ajo që është e rëndësishme sot dialog dialog dialog me studentët për të tejkaluar 8 pikat. Sepse 8 pikat nuk e zgjidhin problematikën e arsimit të lartë.
Dialogu dhe bashkëqeverisja e mirëfilltë mes qeverisë dhe studentëve është mënyra më e mirë. Ne kemi dhënë modelin më të mirë. Unë i bëj thirrje studentëve anembanë Shqipërisë të vijnë në sallën e Kuvendit, ballë për ballë me kryeministrin për të dialoguar dhe të jeni të sigurtë, të pranuara të gjitha pikat.
Ligji për arsimin e lartë është një moment historik për ti dhënë atë që kanë kërkuar universitetet publike shqiptare.
Ligji i arsimit të lartë është themeli i ngritjes së një arsimi cilësor. Implementimi nuk është i plotë dhe për këtë kemi përgjegjësi.
Autonomia e universiteteve është një hap i rëndësishëm dhe për ta filluar reformën duhet që përmes 8 pikave të identifikojmë edhe problematika të tjera”, deklaroi Balla. /tesheshi.com/
