Dita e Sulltan Novruzit ka ofruar një tjetër pamje nga ato të zakonshmet e të përditshmet, me figura publike që i bashkangjiten kreut të Bashkisë së Tiranës, Erion Veliaj për mbjelljen e pemëve.
Ka qenë dhe Baba Mondi, kreu i Kryegjyshatës, i cili ka zënë lopatën me dorë për të kontribuuar në gjelbërimin e Tiranës. Dhe Veliaj ia ka shpërblyer me fjalë të zgjedhura për të, deri në shenjtërim.
“Nëse nuk do kishim njerëz si Baba Mondi dhe drejtues të shenjtë që kontribuojnë në këtë harmoni në komunitetet tona, s’do kishim qytetin të kemi sot. Kështu që, i jam mirënjohës. Dua t’i uroj të gjithë besimtarëve bektashinj një ditë të shënuar! Paçin vetëm bekime dhe të mira, dhe ashtu siç thotë Baba Mondi gjithmonë kur na përcjellë, qofshi dritë”, deklaroi kryebashkiaku Veliaj. /tesheshi.com/
