Sipas “Novosti”-t, arsyeja për ndryshimin e planit të vizitës së presidentit Nikoliç në Kosovë është “qeveria e padrejtë në Prishtinë,” e cila në pikën kufitare (të cilës pala serbe i referohet si vijë administrative), ” ka ngacmuar e keqtrajtuar për disa orë bashkëpunëtorët më të ngushtë të presidentit” (bëhet fjalë për grupin e shoqërimit).
Kabineti i presidentit serb njoftoi të mërkurën se Nikoliç do t’i kalojë Krishtlindjen me serbët në Shtërpcë, e cila do të jetë vizita e tij të parë zyrtare në Kosovë që nga viti 2014, kur kishte shkuar për ditën e Vidovdanit në Gazimestan, shkruan B92.
Dhe pak kohë para nisjes, Nikoliç tha se “ai do të jetë i sigurtë në Shtërpcë po aq sa janë serbët që jetojnë poshtë në Kosovë,” dhe se ndjen detyrim që të ndjekë fatin e tyre.
Por ai tha se do të mendojë për çështjen e sigurisë së tij “nëse dhe kur të kalojë nëpër Merdare (që është pika kufitare mes Serbisë dhe Kosovës)”.
RTS njofton se, e ashtuquajtura “pararojë” e Nikoliçit është keqtrajtuar në Merdare, nga një sjellje jo korrekte e personelit kufitar.
Sipas mediave në Kosovë, qeveria e Prishtinës ka refuzuar kërkesën e Tomislav Nikoliç për të kremtuar Krishtlindjet ortodokse në Kosovë, por nuk kanë shpalosur ndonjë arsye, thuhet më tutje në portalin serb B92.
Nga Sekretariati i Përgjithshëm i Presidentit të Serbisë nuk ka ende njoftime për anullimin e vizitës, por është thënë se Nikoliç të premten në orën 11.00, në prag të Krishtlindjeve do të jetë prezent në ndërtesën e presidencës në Beograd.
Dhe pritet që aty Nikoliç të japë shpjegime para gazetarëve për arsyet e anulimit të vizitës. /tesheshi.com/
