Kompania farmaceutike Novavax do të përfshijë një numër anëtarësh të pakicave në studimin e saj në shkallë të gjerë të vaksinës COVID-19, i cili është vendosur të fillojë në Shtetet e Bashkuara dhe Meksikë muajin tjetër.
Kompania, e cila tashmë është duke testuar vaksinën e saj në fazën e tretë të testimit në Britani, synon të përfshijë të paktën 15 për qind afrikano-amerikanë, 10 deri në 20 për qind latino-amerikanë dhe një deri në dy për qind amerikanë vendas, tha kompania në një takim të Qendrës Amerikane për Kontrollin dhe Parandalimin e Sëmundjeve.
Diversiteti është bërë një faktor i rëndësishëm në testimin e vaksinave për të parandaluar infeksionin e koronavirusit për shkak të numrit të madh të vdekjeve nga COVID-19 midis anëtarëve të pakicave.
Afrikano-amerikanët kanë tre herë më shumë gjasa për të marrë COVID-19 sesa amerikanët e bardhë dhe me dy herë më shumë gjasa të vdisnin nga sëmundja.
Dr. Anthony Fauci, drejtor i Institutit Kombëtar të Alergjisë dhe Sëmundjeve Infektive, tha se përfaqësimi i duhur i pakicave është çelësi për ndërtimin e besimit të këtyre komuniteteve në sigurinë e vaksinave. /tesheshi.com/
