Tenisti numër një në botë, Xhokoviç, ka deklaruar se është për barazinë në sport e se kërkon falje për komentet e tij.
Xhokoviç do të deklaronte ditë më parë, pasi fitoi turneun BNP Paribas Open në Kaliforni, se tenistët meshkuj duhet të paguhen më shumë se femrat sepse krijojnë më shumë të ardhura. Komente që nuk u pritën aspak mirë në ambientin sportiv e më gjerë.
E lidhur me këtë, Xhokoviçit i është dashur të kërkojë ndjesë. “Ndjehem shumë i dëshpëruar nëse në një mënyrë i lëndoj koleget e mia teniste. Unë kam një marrëdhënie shumë të mirë me to. Kam mjaft respekt për të tëra ato.”
Tenisti 28-vjeçar e ka bërë të qartë se është për barazinë në sport, “Unë nuk bëj dallim midis gjinive. Unë jam për barazinë në sport.”
Ai e ka pranuar se nuk ka arritur t’i artikulojë siç duhet pikëpamjet e veta, duke u kërkuar të falur atyre që i kishin kuptuar në mënyrë të gabuar.
Xhokoviç ka pretenduar për një ndarje më të ndershme të parave të çmimeve të tenisit, duke u bazuar në atë se kush tërheq më shumë vëmendje, kush mbledh më shumë spektatorë, e kush shet më shumë bileta.” /tesheshi.com/
