Në Francë vijojnë polemikat në lidhje me mënyrën dhe metodën e propozuar nga presidenti Macron zgjedhur për rinovimin e Notre-Dame, e cila në mes të prillit u dëmtua rëndë nga një zjarr masiv.
Rreth 55 ditë pas fatkeqësisë, janë rreth 150 punëtorëve që ende po heqin rrënojat dhe që përpiqen të rikthejnë normalitetin në ngrehinën e shkatërruar.
Por sipërmarrësi kryesor, arkitekti Philippe Villeneuve, paralajmëron se “kupola është endee dobët dhe mund të bjerë shumë lehtë.”
Kur vjen puna për afatin 5-vjeçar të diktuar nga Macron si kohë për restaurimin e plotë të katedrales së famshme, Villeneuve tha për “Figaro”:“Nëse i qasemi metodikisht, është e mundur për ta riparuar Notre-Dame në pesë vjet. Por pas kësaj, do të jetë e nevojshme të vazhdohet puna restauruese për sakristinë, rosetat … dhe kjo me siguri do të zgjasë më shumë se pesë vjet”.
Presidenti Macron është ankuar për shkak se kërkon që të imponojë “vulën” e tij në rindërtimin, siç bëri dikur presidenti Mitterrand me piramidën jashtë Luvrit.
Sipas një sondazhi të kryer në prill, shumica e të anketuarve u përgjigjën se donin të rishihnin katedralen fisk siç ishte para zjarrit.
Macron njoftoi një konkurs ndërkombëtar që mund të çonte në një zgjidhje në të cilën kupola e shkatërruar do të zëvendësohej me “zgjidhje moderne arkitekturore”. /tesheshi.com/
