Në fb është publikuar një foto e pazakontë e cila të ngjall nostalgji, por dhe trishtim gjithashtu, pasi bëhet fjalë për një ndeshje të para më shumë se 30 vite të kombëtares shqiptare, e ku portën e mbronte Perlat Musta.
Bëhet fjalë për një takim në kuadër të eliminatoreve të Europianit “Francë `84”, 20 nëntor 1983, kur Shqipëria ndeshej me Gjermaninë (atë federale, pra (perëndimore), nëj rivale e zakonshme e saj ndër vite, e ku humbte 2-1.
“Minuta e ‘80 e ndeshjes Gjermani – Shqipëri, luajtur në Sarbryken më 20 nëntor 1983 për eleminatoret e europianit “Francë ‘84” dhe Musta i dëshpëruar shikon topin e futur në rrjetë me koke nga qendërmbrojtësi gjerman Strak ! 2-1 për gjermanët”, është statusi që shoqëron foton nga një i apasionuar pas fotove të vjetra e jo vetëm, Edmond Hasani, një personazh i njohur kuicesh televizive, që sqaron më pas që bëhet fjalë për një takim ku fillimisht ka shënuar Genc Tomori në minutën e 23-të, ka barazuar Rumenige në të 24-ën dhe Strak ka kaluar në avantazh në të 80-ën. /tesheshi.com/
