Norvegjia ka njoftuar se do të pezullojë licencat e reja të eksportit të armëve në Arabinë Saudite pas ngjarjeve të fundit në vendin e Gjirit dhe situatën në Jemen.
Një zëdhënës i ministrisë së Jashtme nuk pranoi të thoshte nëse vendimi ishte pjesërisht i motivuar nga vrasja e gazetarit saudit Jamal Khashoggi në Stamboll më 2 tetor.
“Ne kemi vendosur që në situatën aktuale ne nuk do të japim licenca të reja për materiale mbrojtëse apo mallra për qëllime ushtarake në Arabinë Saudite”, tha në një deklaratë ministri i jashtëm Eriksen Soereide.
Ndërsa Gjermania tha muajin e kaluar se do të ndalonte eksportet e armëve në Arabinë Saudite derisa të sqarohej vrasja e Khashoggi.
Njoftimi norvegjez erdhi një javë pasi ministri i jashtëm ftoi ambasadorin saudit në Oslo për të protestuar ndaj vrasjes së gazetarit.
Riadi ka njoftuar se 18 persona janë arrestuar dhe pesë zyrtarë të lartë qeveritarë janë shkarkuar nga puna si pjesë e një hetimi në këtë rast.
“Vendimi (për të pezulluar lejet) është bërë pas një vlerësimi gjithëpërfshirës të ngjarjeve në Arabinë Saudite dhe situatës së paqartë në Jemen”, tha Ministria e Jashtme në një deklaratë. /tesheshi.com/
