Partitë politike të Norvegjisë, të së djathtës, të majtës dhe të qendrës, kanë arritur një marrëveshje që gjer në fund të vitit 2017 vendi të ketë strehuar 8000 refugjatë sirianë.
Sipas marrëveshjes, Norvegjia do të presë këtë vit 2000 sirianë, 500 më shumë nga çfarë qe parashikuar, e 3000 të tjerë në 2016-n e në 2017-n. Marrëveshjen e mbështeti një shumicë e gjerë në parlamentin norvegjez, me përjashtim të dy partive në të dy ekstremet e spektrit politik.
Për rajonet që do të strehojnë refugjatët të cilët i kanë ikur luftës do të jepet ndihmë financiare, si një nxitje në çuarjen përpara të kësaj nisme.
Këshilli Norvegjez për Refugjatët e quajti këtë një hap të rëndësishëm në drejtimin e duhur, dhe u bëri thirrje dhe vendeve të tjera europiane të bëjnë të njëjtë gjë.
UNHCR, agjencia për refugjatët e Kombeve të Bashkuara, ka kërkuar nga bashkësia ndërkombëtare që të sistemojë më shumë prej sirianëve që i ikin luftës, të cilën e sheh si nxitëse të krizës më të madhe humanitare që nga Lufta e Dytë Botërore.
Dhe marrëveshja mes palëve në Norvegji synon plotësimin e një kuote të vënë nga UNHCR-ja. /tesheshi.com/
