Kuba dhe Shtetet e Bashkuara rikthyen edhe formalisht marrëdhëniet diplomatike pas hyrjes në fuqi të marrëveshjes së vitit të shkuar që vendosi mënjanë dekada të tëra armiqësie.
Pas mesnatës, këtë të hënë, misionet diplomatike të secilit vend u shndërruan në ambasada me funksione të plota. Zyrtarët pranojnë se ka ende probleme dhe disa pika për të cilat dy vendet nuk janë ende në harmoni.
Po, cilat janë ndryshimet që sjell ambasada e re amerikane e hapur në Havana. Kufizimet për amerikanët që udhëtojnë në Kubë mbeten në fuqi, sikundër edhe embargoja e tregtisë për Kubën që ndalon pjesën më të madhe të kompanive amerikane të bëjnë tregti me Kubën.
Havana thotë se embargo e ka dëmtuar rëndë ekonominë e saj. Presidenti kubanez, Raul Castro apeloi presidentin Barack Obama për ta hequr atë, duke e cilësuar pengesën më të madhe drejt normalizimit.
Dy presidentët e njoftuan normalizimin e marrëdhënieve dhe vendosjen e atyre diplomatike në dhjetor, vitin e kaluar. /tesheshi/
