Sindromi “Berisha” është shfaqur në dy reagime nga të shpallurit “non grata” nga SHBA. Ylli Ndroqi, president i Ora News, pos që shpalosi proamerikanizmin e tij, tha se shpresonte në heqjen e kësaj xanxe, duke pretenduar se Uashingtoni ka gabuar ndaj tij.
“Unë besoj në vlerat mbi të cilat janë krijuar dhe funksionojnë SHBA, të cilat janë universale. Po ashtu, duke vlerësuar që ky vendim është marrë mbi bazën e
informacioneve të gabuara, duke besuar fort në drejtësinë e vendimmarrjes së institucioneve të SHBA, do të përdor të drejtën time për të kërkuar heqjen e emrit nga lista duke vënë në dispozicion të autoriteteve çdo informacion që ato të kenë nevojë.
Vlerësoj me rëndësi të sqaroj publikun se sipas legjislacionit amerikan vendosja e emrit në këtë listë është e rishikueshme dhe nuk ka të bëjë me asnjë nga rastet e mëparshme në Shqipëri Shpreh besimin që ky vendim do të rishikohet dhe emri do të hiqet nga kjo listë”, thotë Ndroqi në reagim.
Ngjashëm dhe ish-kryeministri maqedonas Gruevski: Ndjej një padrejtësi të madhe, sepse kam punuar me shumë ndershmëri dhe me shumë përgjegjësi, duke luftuar për interesat
shtetërore dhe kombëtare dhe jam përpjekur me aq sa kam mundur të mos i rrezikoj interesat e aleatët e Maqedonisë. Unë kurrë nuk kam punuar për përfitime personale financiare apo materiale.
Unë do të vazhdoj të luftoj për të vërtetuar të vërtetën”, thotë ai, duke mos harruar të vërë dhe Sorosin te shkaktarët, siç Berisha. “Interesat e Maqedonisë ka acaruar disa vende dhe ka tërhequr shumë kundërshtarë, si George Soros, i cili bëri shumë përpjekje dhe fonde për të rrëzuar qeverinë që unë drejtova”, thotë Gruevski. /tesheshi.com/
