Një ditë pas shpalljes “non grata” të ish-deputetit Aqif Rakipi dhe biznesmenit Ylli Ndroqi, duket se SHBA nuk do përfundojnë me kaq.
Departamenti i Shtetit thotë se sanksionet ndaj ish-zyrtarëve apo dhe zyrtarëve në Shqipëri, do të vijojnë,
Zëdhënësi për Evropën dhe Euroazinë në departamentin amerikan të shtetit, Ryan Walsh, ka sqaruar se Departamenti i Shtetit do të vazhdojë të përdorë këtë autoritet dhe të gjitha mjetet e disponueshme për të luftuar korrupsionin në nivel global.
“Në varësi të rrethanave të veçanta, disa emërtime bëhen publikisht ndërsa të tjerët privatisht. Mos përshtatshmëria vlen edhe për anëtarët e ngushtë të familjes, dhe ligji gjithashtu kërkon që Sekretari i Shtetit t’i caktojë publikisht ose privatisht këta zyrtarë dhe anëtarët e familjes së tyre të ngushtë. Emërtimet nuk janë të kufizuara në kohë”, ka sqaruar ai.
“Non grata” më e bujshme mbetet ajo ndaj ndaj Berishës, e cila ka çuar deri në një krizë të rëndë në PD. /tesheshi.com/
