Ngjan ironike ajo që ka deklaruar së fundi ambasadorja amerikane Yuri Kim, ku nga Vlora, duke komentuar “non grata”-n amerikane ndaj Berishës, përdori slloganin e PD-së në zgjedhjet e vitit 2009.
“Shumë prej kësaj lidhet me demokracinë dhe shtetin ligjor. Keni parë zhvillime domethënëse këto janë zhvillime positive që duhet të vazhdojnë.
Mesazhi është ky: Shqipëria po ndryshon!
Shqipëria është anëtare NATO-s Shqipëria do të jetë në BE, është mike dhe aleate e SHBA-ve.
Shteti ligjor duhet të prevalojë.
Duhet të jetë një vend i pastër që të jetë një vend i pasur. Askush nuk mund të jetë mbi ligjin. Ditët e pandëshkueshmërisë kanë marrë fund dhe të gjithë duhet të punojmë së bashku për këtë”, tha Kim.
Ajo la të kuptuar se është plotësisht dakort me arsyet e “non grata”-s ndaj liderit historik të PD-së.
“Nuk kam asgjë tjetër për të shtuar përveç asaj që ka thënë sekretari i shtetit”. /tesheshi.com/
