Moska ka paralajmëruar se do t’i përgjigjet Tiranës pas vendimit të diplomacisë shqiptare për të shpallut “non grata” një diplomat të ambasadës ruse.
“Ky është një provokim i qartë që synon përkeqësimin e marrëdhënieve ruso-shqiptare dhe, natyrisht, ky hap jo miqësor nuk do të mbetet pa përgjigje,” Zv.ministri i Jashtëm rus Alexandër Grushko.
Kujtojmë se Ministria e Jashtme shqiptare dha arsyen e përzënies së diplomatit – e rrallë në llojin e vet – për shkelje të masave anti-COVID, por pa detajime të mëtejshme. Pos kësaj, i nxorri dhe emrin, gjë që sipas Moskës është një shkelje e rëndë diplomatike. /tesheshi.com/
