Ish-kryeministri Berisha shpalli publikisht se ai do padisë Sekretarin Blinken për shpifje, një ditë pasi ky i fundit kumtoi po publikisht se SHBA kanë vendosur shpalljen “nën grata” për të.
“Unë kam udhëzuar avokatin tim në një vend neutral dhe të respektuar siç është Franca që të ngrejë ndaj Blinken një padi direkte për shpifje publike.
Duke filluar nga momenti kur Blinken bëhet autor i një komedie dhe montazhi politik të destinuar për të më dëmtuar mua, kjo nuk hyn në funksionet e një ministri. Asnjë qeveri cilado qoftë ajo nuk mund të ketë funksion shpifjen dhe përbaltjen.
Pra, sipas avokatit të tij që unë kam konsultuar, Blinken nuk është i mbrojtur me asnjë imunitet ndaj dhe do ta padit.
Do të paditet dhe dënohet nga gjykata e Parisit për shpifje. Një vendim ky i paparashikuar ndonjëherë në jetën time, por çështja e dinjiteti është më thelbësore e njeriut. Nëse i prek tjetrit nderin dhe dinjitetin, e vlerëson atë për veten e tij, familjen e tij, miqtë dhe komunitetin ku jeton”, tha Berisha në një konferencë për mediat.
Ndërkohë, ai ka patur këtë përgjigje ndaj faktit se jo Blinken por administrata amerikane, DASH në këtë rast, ka vemdosur “non grata”-n për të.
“Është Sekretari i cili ka njoftuar dhe firmosur. Është ai që përdori autoritetin e tij për të më dëmtuar mua, për të cenuar nderin dhe dinjitetin tim.
S’do të doja kurrë të ishte ai, por e bëri këtë dhe nuk kam asnjë kundërshtim. Do i përgjigjem në gjykatë”, shtoi Berisha. /tesheshi.com/
