Edi Rama ka frikë nga debati, i trembet dhe bën gjithçka për ta shtyrë. Kështu u shpreh kreu demokrat Lulzim Basha, ndërsa seanca e programuar për t´u zhvilluar sot pasdite u shty për ditën e premte, për shkak se deputeti Flamur Noka nuk ka pranuar të lërë sallën e Kuvendit pas përjashtimit nga Ruçi.
Basha tha se Rregullorja e Kuvendit shkelet me urdhër të Edi Ramës me qëllimin e vetëm për të moslejuar debatet mbi çështjet më të rënda të shqiptarëve, që kanë të bëjnë me dhunimin e zgjedhjeve, situatën e kriminalitetit, lidhjet e kryeministrit me krimin.
“Rama i trembet këtij debati dhe bën gjithçka për ta shtyrë. Nuk ka asnjë arsye Gramoz Ruci të shkelë rregulloren përveçse ankthit të Edi Ramës për të vërtetën. Ne do të luftojmë dhe do ti kthejmë qytetarëve parlamentin në cdo formë që ka opozita, ndaj i bëjmë thirrje qytetarëve. Ka dy javë që nuk lejohet debati. Tepsinë e ka për vete, timonin e ka për vete, tani do ti mbyllë gojën parlamentit”, tha Basha. /tesheshi.com/
