Edhe pse mban një emër prestigjoz në nivel të medias botërore – Euronews – filaili i saj shqip s’e ka për gjë që të ulë veten në nivelin e Noizy-t, i cili, për një gusto, shije a sqimë krenare kulturore, s’është as artist e as këngëtar madje. Është thjesht produkt banal i një kohe hem banale e hem të çmendur ku ata, shfrenimi i tyre, i çon ta quajnë veten dhe Zot.
“Jam cikllop ne hip-hop un per ju jam Zot
Mos me Shti ne gjynah me ju cu ne tjeter bot”, thuhet në një prej vargjeve të Noizit, një katastrofë nga çdo pikëpamje.
Në mos të goditen në emër të sqimës, në emër të asaj që shoqëria prej tyre nuk ka asnjë të mirë, përkundrazi, ajo çfarë del nga goja e tyre është shfarrosëse e çdo vlere, s’ë paku mos promovohen. Ose mos promovohen nga media që mbajnë një emër prestigji. Dreqi e morri, për çfarë je Euronews nëse nuk je për kaq gjë, më e pakta që duhet të bësh?! Dhe më e pakta është selektiviteti i lëndës; mos përtypësh e servirësh gjithçka nga realiteti. Mirë që parësor kanë informimin e jo edukimin, por dhe në informim veprojnë si media të rëndomta.
Nuk dihet se kush e bën politikën e lajmeve aty, por e sigurt është se me Ilva Taren nuk do kishte gjasë që Noizy të ishte i ftuar në studion e Euronews-it.
Edhe kjo shfaqje pra, kinse gazetareske, kur Noizy intervistohet në Euronews mbi “suksesin” e një koncerti të tij, përfshihet në fushatën “S’ka ma turp”, një shfaqje e bashkimit të njerëzve ende me cipë në këtë vend që i thonë jo së keqës së madhe…në media! /tesheshi.com/
