Sezoni i sivjetmë i çmimeve Nobel filloi këtë të hënë, më 2 tetor, me shpalljen e çmimit të mjekësisë, i pari nga gjashtë kategoritë.
Katalin Karikó dhe Drew Weissman ishte dyshja e parë fituese.
Çmimi Nobel në Mjekësi iu dha atyre për zbulimet në lidhje me modifikimet e bazës nukleozide që mundësuan zhvillimin e vaksinave efektive të mRNA kundër COVID-19.
Sezoni i çmimeve Nobel ndjek të njëjtin model çdo vit: pas kategorisë së mjekësisë, shpalljet e çmimeve të fizikës dhe kimisë janë planifikuar për të martën dhe të mërkurën, e ndjekur nga Çmimi Nobel për Letërsinë të enjten.
Çmimet Nobel u inicuan me vullnetin e shpikësit të dinamitit dhe donatorit Alfred Nobel (1833 – 1896). Ato synojnë të nderojnë ata që kanë sjellë përfitimin më të madh për njerëzimin në secilën kategori gjatë vitit të kaluar. Çmimet ndahen tradicionalisht në një ceremoni më 10 dhjetor, përvjetorin e vdekjes së Nobelit.
Këtë vit, Fondacioni Nobel e rriti çmimin për kategori me një milion korona suedeze në 11 milion korona. /tesheshi.com/
