Shkencëtarët Roger Penrose, Reinhard Genzel dhe Andrea Ghez morën çmimin Nobel në Fizikë për vitin 2020 për zbulimin e një prej fenomeneve më ekzotike në univers, Vrimës së Zezë, njoftoi Komiteti Nobel për Fizikën.
“Zbulimet e laureatëve të këtij viti janë një bazë e re në studimin e objekteve kompakte dhe supermasive”, tha David Haviland, kryetar i Komitetit Nobel për Fizikën, gjatë dhënies së 10 milion koronave suedeze (1,1 milion dollarë), njoftoi Reuters.
Gjysma e parë e çmimit iu dha Penrose, 89 vjeç, nga MB i cili shpiku metoda matematikore për të hetuar teorinë e përgjithshme të relativitetit të Albert Einstein. Ai tregoi se kjo teori sugjeron formimin e “vrimave të zeza” – “monstra në kohë dhe hapësirë që kapin gjithçka që hyn në to”, thuhej në deklaratë.
Gjysma e dytë e çmimit u takon gjermanëve Genzel, 68n vjeç dhe amerikanes Ghez, 55 vjeçe, të cilët zbuluan “një objekt kompakt supermasiv në qendër të galaktikës sonë”, tha Sekretari i Përgjithshëm i Akademisë Goran Hansson.
Çmimi Nobel i vitit të kaluar në Fizikë u fitua nga James Peebles, Michel Mayor dhe Didier Queloz për njohuri të reja në strukturën dhe evolucionin e universit. /tesheshi.com/
