Çmimi Nobel në Kimi iu dha Moungi Bawendi, Louis Brus dhe Alexey Ekimov për punën e tyre në pikat e vogla kuantike, nanogrimca aq të vogla sa madhësia e tyre përcakton vetitë e tyre.
Dhënia e çmimit Nobel në Kimi u njoftua nga Hans Ellegren, Sekretari i Përgjithshëm i Akademisë Mbretërore Suedeze të Shkencave, njoftoi Reuters.
Grimcat kuantike kanë veti unike dhe përhapin dritën e tyre në pajisjet e përditshme që përdorim, p.sh. nga ekranet e televizorit dhe nga llambat LED.
“Ato katalizojnë reaksionet kimike dhe drita e tyre e qartë mund të ndriçojë indet e tumorit në diagnostikimin kirurgjik. Studiuesit kanë përdorur kryesisht pika kuantike për të krijuar dritë me ngjyra. Ata besojnë se në të ardhmen, pikat kuantike mund të kontribuojnë në zhvillimin e elektronikës fleksibël, sensorëve miniaturë, qelizave diellore më të holla dhe ndoshta komunikimit kuantik të koduar”, tha Komiteti Nobel në një postim në platformën X (Twitter).
Bawendi është profesor në Institutin e Teknologjisë në Masaçusets (MIT), Bruce është profesor emeritus në Universitetin e Kolumbisë dhe Ekimov punon për Nanocrystals Technology Inc. /tesheshi.com/
