Çmimi Nobel i këtij viti në Mjekësi iu dha të hënën britanikut Michael Houghton dhe amerikanëve Harvey Alter dhe Charles Rice, për “zbulimin e virusit të hepatitit C”.
Shkencëtarët janë vlerësuar për “kontribut të jashtëzakonshëm” në luftën kundër hepatitit, “një problem i madh global shëndetësor që shkakton cirrozë dhe kancer të mëlçisë” në të gjithë botën, sipas një deklarate nga Instituti Suedez Karolinska.
Fituesit e Çmimit Nobel të vitit të kaluar në të njëjtën fushë janë shkencëtarët William Kaelin, Peter Ratcliffe dhe Gregg Semenza të cilët morën njohje për mjekësi ose fiziologji për zbulimin “se si qelizat ndihen dhe përshtaten me disponueshmërinë e oksigjenit”, tha Stokholmi në atë kohë.
“Fituesit e Çmimit Nobel të vitit të kaluar zbuluan mekanizmin e një prej proceseve më të rëndësishme adaptuese të jetës”, tha Komiteti Nobel.
Çmimi sjell gjithashtu nëntë milion korona suedeze (913,000 dollarë ose 831,000 euro). /tesheshi.com/
