Një iniciativë e veçantë është ajo e qytetit të Nju Jorkut, që ka bërë të njohur një ditë më parë një fushatë publike për të luftuar islamofobinë.
Fushata e vë theksin te të drejtat e barabarta të mijëra muslimanëve që jetojnë në Nju Jork. Në një deklaratë të kryebashkiakut të Nju Jorkut, Bill de Blasio, thuhet mes të tjerash, “Tani më tepër se kurrë është e rëndësishme që njujorkezët të qëndrojnë të bashkuar si një qytet, e të kundërshtojnë urrejtjen dhe dhunën.”
“Ne nuk do të tolerojmë diskriminimin dhe dhunën e asnjë lloji, dhe nuk do të pushojmë derisa të gjithë njujorkezët, duke përfshirë motrat dhe vëllezërit tanë muslimanë, të trajtohen me dinjitetin që meritojnë,” vijohet të thuhet në deklaratën e kryebashkiakut të Nju Jorkut.
Kjo fushatë kundër islamofobisë do të shfrytëzojë rrjetet sociale, me hashtagun #IAmMuslimNYC.
Autoritetet lokale të Nju Jorkut po planifikojnë dhe seminare për muajin e ardhshëm, për t’i bërë punëdhënësit e të punësuarit e qytetit ta kuptojnë më mirë Islamin.
Veç veprimtarisë mediatike, fushata parashikon dhe aktivitete të tjera dhe literaturë kundër diskriminimit. /tesheshi.com/
