Bashkia e Nju Jorkut ka ndarë një fond prej 32 milion dollarësh, për të luftuar minjtë të cilët llogariten të jenë në 2 milion në këtë qytet.
“Ne nuk mund t’i pranojmë minjtë si pjesë normale e jetës në Nju Jork”, tha kreu i bashkisë, Bill de Blasio.
Ai ka përmendur disa zona të metropolit të madh, edhe botëror, ku do përqëndrohet lufta ndaj minjve.
Beteja do të nisë që nga kazanët e hedhjes së mbeturinave, ku do aplikohen disa risi për pakësimin e pranisë së minjve në to.
“Mënyra më e mirë për t’i zhdukur minjtë është që ata të privohen nga koshat e mbeturinave në shtëpi dhe ushqimet në kazanët e mbeturinave në rrugë”, tha një zyrtare e sektorit sanitar në bashki.
Vitin e kaluar, Nju Jorku regjistroi afro 10 mijë ankesa nga banorë të ndryshëm lidhur shqetësimin nga minjtë. Ndërkohë që janë shfaqur dhe simptoma sëmunndjesh me origjinë nga ky brejtës, deri dhe në regjistrimin e një të vdekuri. /tesheshi.com/
