Nga New York-u, kryeministri Rama njoftoi një vizitë të rëndësishme në Shqipëri të një emri të madh nga bota arabe. 
“New York – Me Ministrin e Jashtëm të Emirateve të Bashkuara Arabe, mikun e çmuar Sheikh Abdullah Bin Zayed Bin Sultan Al Nahyan, folëm për finalizimin e paketës së investimeve në Shqipëri, si edhe për vizitën në Tiranë të Presidentit të EBA, Sheikh Mohamed Bin Zayed Al Nayan, e para e këtij niveli në vendin tonë”, shkruan i pari i qeverisjes nga larg, aty ku ndodhet për takimin vjetor të Asamblesë së OKB-së.
Kjo vizitë e paralajmëruar prej tij tregon lidhjet e ngushta të krijuara me vendet arabe, pothuajse të gjitha, që ashtu si Turqia, i janë bërë Ramës ndër mbështetësit kryesorë me suport ekonomik. /tesheshi.com/
