Një ndër pijet më të përhapura në botë kakao, vazhdon të na befasojë me vlerat që ka.
Një studim i fundit i zhvilluar nga shkencëtarët amerikanë ka dalë në përfundimin se konsumimi i kakaos dhe i produkteve me përmbajtje kakaoje mund të ulë nivelin e kolesterinës së keqe LDL dhe asaj të përgjithshme.
Shkencëtarët besojnë se kjo vjen për shkak të komponimeve natyrale kimike që ka ajo. Faktet shkencore kanë treguar që këto komponime ndikojnë pozitivisht në uljen e kolesterolit dhe yndyrnave në gjak. Mbajtja në nivele normale e lipideve në gjak, parandalon zhvillimin e sëmundjeve kardiovaskulare.
Efekti pozitiv i çokollatës së zezë dhe i produkteve të tjera të cilat përmbajnë kakao në vlerën e kolesterinës në gjak është më i rëndësishëm te personat me rrezik më të madh nga zhvillimi i sëmundjeve kardiovaskulare./tesheshi.com/
