Në një vend ku dita e dimrit zgjat vetëm tre orë dhe ku temperatura zakonisht bien në -60 gradë, vetëm krijesat më rezistente mund të mbesin gjallë.
Në pjesën më të largët të Siberisë, mbijetesa e popullit Yakut varet nga një kalë jashtëzakonisht i guximshëm. Qimet e tij të trasha dhe në pjesën më të madhe të dendura, e bëjnë atë rezistent ndaj të ftohtit ekstrem.
Raca e rrallë – e njohur thjesht si kali i Yakut – i siguron popullit të republikës ruse të Sakhës qumësht dhe mish.
Kuajt mbijetojnë duke gjetur bimësi thellë nën dëborë të trashë dhe përdorin shtresat e gjera të dhjamit për t’i rezistuar ngricës së ashpër.
Në vetëm gjashtë muaj, ata mund të prodhojnë deri në 105 kilogram mish.
Në 30 muaj, ata mund të sigurojnë 165 kg mish. Si të rritur, ata kanë 228 kg mish dhe zakonisht janë 1.5 metra të lartë.
Për njerëzit historikisht gjysmë-nomadë të Yakut, ruajtja e kuajve është burimi kryesor i të ardhurave.
Mbarështuesit e kuajve jetojnë në shtëpi të vogla prej druri në temperatura shumë të ulëta dhe mbijetojnë duke ngrënë mish dreri, mish kali, peshk dhe qumësht nga kafshët e tyre të fermave./tesheshi.com/
