Nga Ahmet Zani
Në fakt në Mesjetë nuk ka patur rrjet elektrik; por ca shtylla të rralla tensioni jo shumë larg Tiranës, të japin ndjesinë e diçkaje vërtet mesjetare në këtë truall që i thonë Shqipëri.
Shtylla? Jo! Janë ca hunj që luajnë rolin e tyre, tek të cilat varen tela tensioni, që mos o Zot, në një mot të rënduar me erë të këputen e t’i bijnë në kokë të ndonjë të gjalli për ta lënë të vdekur në vend.
Kjo pamje i takon i linjës elektrike në fshatrat Bushnesh dhe Dukagjin i Ri të Krujës. Aty kalon ajo, “drita e partisë që tmerroi armiqtë”, siç thuhej në vitin e elektrifikimit, 1972. Por nuk besohet që as në atë kohë, shtyllat e elektrikut të kenë qenë kaq dramatikisht të papranueshme.
OSSHE duhet të mendojë dhe për zëvëndësimin e tyre; duhet t’i heqë këta hunj, të cilët vërtet do vlenin si relike muzeale në natyrë, vetëm poqese tek ato nuk do kalonte filli i vdekjes… nëse bie përtokë. /tesheshi.com/
