Nëse planifikoni të vizitoni Kubën së shpejti, nuk është e keq të dini se çfarë është e ndaluar në vend, edhe pse shumica e ndalimeve nuk vlejnë për ju.
Ligjet që ndalojnë diçka në Kubë janë të shumta, por shumica e ndalesave vlejnë vetëm për kubanët, ndërkohë që vizitorët dhe turistët janë të përjashtuar nga ato.
Ata nuk kanë qasje në internet në shtëpitë e tyre ose telefonat e tyre celularë
ETECSA është një kompani shtetërore e telekomunikacionit që mban monopolin dhe sipas rregullave të tyre, interneti në shtëpi nuk është një shërbim që u ofrohet kubanëve. Në internet kanë të drejtë ekskluzive vetëm kompanitë shtetërore dhe të huaja, si dhe të huajt që banojnë në Kubë.
Nuk mund të udhëtojnë me anije turistike
Megjithëse nuk ka ligj të veçantë që ndalon kubanët nga lundrimi në anijet turistike, autoritetet lokale e kanë praktikuar atë për vite me rradhë. Sipas Cubatur, agjencia e tyre shtetërore e udhëtimit, “kubanët, pavarësisht se ku jetojnë, nuk mund të sigurojnë një aranzhman që përfshin një varkë ose jaht, e cila është e dedikuar ekskluzivisht për turistët e huaj”.
Nuk ka TV kabllor
Kompania socialiste Telecable është e vetmja që ofron shërbime televizive kabllore. Ky shërbim është i disponueshëm vetëm për infrastrukturën turistike, kryesisht hotelet, diplomacinë, kompanitë e huaja dhe të huajt që banojnë në Kubë. Kubanët, për asnjë arsye tjetër vetëm pse janë kubanezë, nuk kanë të drejtë në këtë.
Ata nuk guxojnë të jetojnë në Havanë pa leje
Në Kubë ekziston një ligj i veçantë për migracionin në Havanë dhe sipas tij banorët e qyteteve dhe krahinave të tjera nuk mund të vijnë të jetojnë në kryeqytet nëse nuk kanë një leje nga Ministria e Brendshme.
Nuk ka protesta publike
Kushtetuta kubane e vitit 1976 jep të drejtën e protestave, por vetëm në kuadër të disa pikave të Kodit Penal, ku theksohet në mënyrë të veçantë se “ai që merr pjesë në protesta dhe me këtë rast nuk respekton kushtetutën e cila i lejon atij këtë, do të thyejë ligjin dhe prishë rendin dhe qetësinë publike”. Prej atëherë, 40 vjet kanë kaluar dhe asnjë ligj nuk është miratuar ende për të rregulluar këtë pikë.
Partitë politike janë të ndaluara, përveç asaj Komuniste
Megjithëse Kushtetuta kubane u jep të gjithëve të drejtën për të konkuruar në zgjedhje, e njëjta kushtetutë në paragrafin 62 thotë: “Asnjë të drejtë qytetare që u është dhënë atyre nga Kushtetuta nuk mund t’i mohohet. Popullit kuban nuk do t’i mohohet dëshira e tyre që të ndërtojë socializmin dhe komunizmin. Çdo kundërshtim ndaj kësaj do të dënohet”. Me fjalë të tjera, populli kuban ka zgjedhur komunizmin dhe socializmin, dhe gjithçka tjetër është e papranueshme.
Ndalohet investimi në kompani të mesme dhe të mëdha
Ligji i Investimeve në Kubë i referohet vetëm investimit të të huajve në Kubë dhe nuk përmendet as populli kuban, as e drejta e tyre për të investuar. Mundësia e vetme për kubanët për të investuar në vendin e tyre është vetëpunësimi, por edhe në atë rast ata duhet të bëjnë diçka të miratuar nga shteti, të tilla si investimi në një restorant, një floktar, shitja e ushqimit rrugor, sallon masazhesh dhe të ngjashme.
Ndalohet importi i mikrofonave wireless, walkie-talkie dhe pajisjet e komunikimit satelitor pa licencë
Sipas ligjit të vitit 2006, për të importuar këto pajisje kubanezët kanë nevojë për një licencë, dhe një licencë të veçantë për instalimin dhe përdorimin e tyre.
Një i huaj nuk mund ta kalojë natën me kuban pa leje
Nëse autoritetet e kapin një të huaj në shtëpinë e një kubani pa leje, pronari i shtëpisë do të dënohet.
Shitja e lirë e karkalecave dhe karavidheve nuk lejohet
Vetëm kompanitë shtetërore dhe të huaja mund t’i shesin këto delikate në Kubë.
Kubanët nuk mund të vozisin të huajt në makinën e tyre
Policia kubane ka të drejtën e konfiskimit të makinës kubane nëse drejton një të huaj në të dhe nuk ka licencë për të kryer punë taksie. Nuk ka ligj që mbron kubanët për të vozitur të huajt në makinën e tyre, por policët mund ta interpretojnë atë si një përpjekje për “pasurim ilegal”.
Nuk lejohet importi i më shumë se 25 thonjve artificialë
Ligji doganor i Kubës është përplot me shembuj absurdë të asaj që guxon dhe nuk guxon të importosh, dhe detajet shteruese të çdo ndalimi. Disa prej tyre janë qesharake, veçanërisht ato që lidhen me gjërat që nuk janë të disponueshme në Kubë. Përshembull, ligji kufizon rreptësisht importin e thonjve artificialë dhe nuk duhet të importohet më shumë se 24 copë. /tesheshi.com/
