Një buzëqeshje unike në llojin e tij. Wesley është një këlysh i adhurueshëm me dhëmbët e shtrembër. I ka aq të shtrembër saqë me shumë vështirësi i mbyllet goja. Për ta ndihmuar, mjeku Moore, ortodontist në Spring Lake në Miçigan, ka montuar në gojën e tij një apara për dhëmbët, të krijuar enkas për qenin.
“Ortodontia tek kafshët shtëpiake nuk është për qëllime estetike por për shkak të problemeve me shëndetin”, – lexohet në një postim në faqen e Facebookut të strukturës “Harborfront Hospital for Animals”, në të cilën kurohet Wesley.
“Shkurti ka qenë muaji i shëndetit të dhëmbëve të kafshëve, ndaj kemi menduar se ndoshta ishte momenti që t’ju informonim për rëndësinë e mirëqenies së dhëmbëve të kafshëve tuaja”,- thuhet ndër të tjera në postim. /tesheshi.com/
