Njihuni me Van Girls, kompania e zhvendosjes vetëm me femra (video)

Në Londër ndodhet një kompani zhvendosjeje të mobiljeve shtëpiake, e cila është me të vërtetë shumë unike dhe e veçantë në të gjithë botën. Ekipi i kësaj ndërmarrjeje është i formuar vetëm nga femra, për të mos folur për klientët, pjesa më e madhe e së cilëve përsëri janë vetëm femra.

Në të vërtetë, ato që cilësohen si Van Girls janë shumë të zonjat dhe kur ju qëllon që klienti i tyre të jetë mashkull, ai ngel i mahnitur nga forca e tyre dhe shkathtësia në transportin dhe zhvendosjen e mobiljeve.

Ideja e themelimit të kësaj kompanie vetëm me ferma i erdhi Emma Lanmanit, pasi u largua nga puna si zjarrfikëse. Ajo donte të kryente sërish një punë të konsideruar si “punë meshkujsh”.

Suksesi i tyre është tërësisht i garantuar, pasi klientet i konsiderojnë më të besueshme, në krahasim me kolegët e tyre meshkuj. Punonjëset e Van Girls janë të gjitha ish police, ushtarake, ish zjarrfikëse, por nuk mungojnë edhe ato femra që më parë kanë punuar si avokate dhe që kanë vendosur të ndryshojnë stil jetese. /tesheshi.com/