Qeveria e re socialiste spanjolle njoftoi të mërkurën një kabinet të përbërë nga 5 burra dhe 11 gra, ku këto të fundit mbajnë pozicione kyçe – ministritë e Ekonomisë, Financave dhe Mbrojtjes.
Kryeministri Pedro Sanchez tha se për herë të parë që kur Spanja u kthye në sistemin demokratik në fund të viteve 1970, kishte më shumë gra në qeveri sesa burra.
Zëvëndësministër, e njëherësh dhe përgjegjës për Barazinë, do të jetë gjithashtu një grua, Meritxell Batet, një eksperte për të drejtën kushtetuese dhe një ish-ministre kulture nga viti 2004 deri në vitin 2007.
Si një përfaqësuese katalanase, ajo do të jetë përgjegjëse për trajtimin e ambicies së Katalonjës për pavarësi, e cila përbën një nga sfidat kryesore të administratës së re.
Nadia Calvino, e cila ka shërbyer si kreu i buxhetit të Komisionit Evropian që nga viti 2014, tani është emëruar ministre për ekonominë e katërt më të madhe në BE.
Dolores Delgado, ish-prokurore për anti-terrorizëm, do të jetë ministre e Drejtësisë, ndërsa Isabel Celaa do jetë ministre e Arsimit dhe Magdalena Valerio emërohet ministre e Punës.
Margarita Robles emërohet ministre e Mbrojtjes, ndërsa Maria Jesus Montero do të drejtojë Ministrinë e Financave.
Sa për pjesën mashkullore të qeverisë së re, Pedro Duque, një inxhinier dhe spanjolli i parë në hapësirë, do jetë ministri i ri i Shkencës, Inovacionit dhe Universiteteve.
Duque është një inxhinier astronautik që ka tre fëmijë dhe ka prirje të citojë shkrimtarin britanik Arthur Clark, i cili udhëtonte për herë të fundit në hapësirë në vitin 2003, si pjesë e një misioni në Stacionin Ndërkombëtar të Hapësirës.
Në vitin 1992, Ministri i ri i Shkencave u zgjodh anëtar i Agjencisë Hapësinore Evropiane dhe për herë të parë në vitin 1998, ai fluturoi në hapësirë brenda misionit të NASA-s.
Ish-Presidenti i Parlamentit Evropian dhe politikan katalanas që qëndron për unitet me Spanjën, Josep Borrell, është emëruar ministër i Jashtëm, por që ky emërim ka zemëruar disa separatistë.
Kryeministri i ri Sanchez e njoftoi Mbretin Felipe VI mbi emërimet, para se të shpallë përbërjen e re të qeverisë dhe para ministrat e rinj do të marrin detyrën të enjten.
Në një deklaratë, Sanchez tha se administrata e tij do të ishte “e avancuar, modernizuar dhe në mendje me Evropën”.
Kryeministri i ri premtoi të fillojë negociatat me qeverinë e re katalane, por vuri në dukje se çdo zgjidhje duhet të jetë në përputhje me kushtetutën spanjolle, e cila thotë se vendi është “i pandashëm”. /tesheshi.com/
