Verbano Cusio është duke përgatitur festimet për ditëlindjen e Emma Morano, një nga njerëzit më të vjetër të Europës, dhe njëkohësisht personin e dytë më të vjetër në botë, e cila të dielën, pra sot, më 29 nëntor feston 116 vjetorin e lindjes.
Dhurata të shumta mbërrijnë për të nga çdo cep i botës. Në nder të gruas më të moshuar në Europë do të zhvillohet një spektakël teatral dhe muzikor dedikuar asaj, i cili do të shfaqet në skenë më 12 marsin e vitit të ardhshëm, me rastin e ndarjes së çmimeve Verbania for Women 2015.
Në këtë vepër do të tregohet në formë skenike jeta e jashtëzakonshme e Emma-s, e cila ka jetuar në tre shekuj të ndryshëm dhe ka qenë dëshmitare në ngjarjet më të rëndësishme të shekullit të kaluar./tesheshi.com/
