Pikërisht si një “Bukuroshe e Fjetur” e kohëve moderne, 24 vjeçarja nga Birmingami, Jody Robson, mund të flejë për javë të tëra pasi vuan nga një sindromë e rallë, e cila e bën të bierë në gjumë të thellë. Për shkak të sëmundjes së saj, ajo nuk mund të kujtojë asnjë nga ngjarjet e rëndësishme që ka kaluar në jetë.
Jody, nuk ka asnjë kujtim nga lindja e fëmijës së saj, pasi ka qenë duke fjetur. Ajo është në gjendje të pandërgjegjshme për 11 ditë kur bie të flejë, duke qenë se vuan nga sindroma e Kleine Levin, e njohur ndryshe edhe si “Bukuroshja e Fjetur”, e cila është një sëmundje e rrallë neurologjike, e cila shkakton gjendje pandërgjegjshmërie tek personat që janë të prekur prej saj.
Jody nuk kujton shumë momente të rëndësishme në jetën e saj, e madje as lindjen e fëmijës së parë, duke qenë se ka qenë në gjumë. Nënë e dy fëmijëve, ajo tregon: “Mbyll sytë për një moment dhe zgjohem dy apo tre janë më pas. Kështu më ndodhi edhe kur solla në jetë fëmijën tim të parë. Me të më prezantoi im shoq, pasi u zgjova nga gjumi”.
Edhe pse nuk është diagnostikuar formalisht, Jody tregon se vuan nga sindroma Kleine Levin. Ngjarja e parë në jetën e saj ka ndodhur kur ishte vetëm 12 vjeçe dhe jetonte në Spanjë. Ishte shumë e emocionuar pasi do të merrte pjesë në një festë me pizhame në shtëpinë e një shoqes së saj, por nuk arriti të shkonte kurrë në atë festë, pasi ra në gjumë dhe u zgjua pas 8 ditëve.
Shpesh herë ajo nuk mban mend asnjë gjë nga ajo çfarë i ka ndodhur gjatë jetës. “Kur u zgjova nga gjumi për herë të parë nuk arrija të njihja asnjë njeri e madje as nuk e dija se kush isha vetë. Ndjej se jam duke humbur shumë nga jeta ime e veçanërisht nga jeta e fëmijëve të mi”,- përfundon ajo rrëfimin./tesheshi.com/
