Jasmine është një mace shumë e bukur dhe e verbër, e cila u gjet dhe u shpëtua ndërsa endej e vetme duke mjaullitur në rrugët e Francës. Kur Sandra Coudray pa ata sy plotë shkëlqim, ajo vendosi menjëherë të adoptonte kotelen.
Sandra edhe më parë kishte pasur disa eksperienca me mace të verbra dhe të pafata. Macja e saj e mëparshme ishte e verbër për shkak të moshës, ndaj Sandra e dinte mirë se sa shumë vëmendje dhe përkushtim kërkonte kjo mace e re, ndaj ishte e gatshme t’i ofronte asaj gjithë dashurinë që kishte.
“Ajo më solli shumë lumturi dhe më fali shumë dashuri”, – thotë Sandra. Fillimisht Jasmine ishte shumë e frikësuar nga njerëzit, por me pak përkujdesje dhe dashuri ajo u miqësua. Tani të dyja janë shumë të lumtura bashkë. Kjo histori mund të shërbejë si një mësim për të gjithë ata që duan e nuk duan të kenë kafshë në shtëpitë e tyre.
Ka shumë të tilla të braktisura në mëshirë të fatit, qofshin mace a qen. Rrugët janë të mbushura dhe këto kafshë kaq të dashura ndoshta janë duke pritur për ju. Jepuni atyre një strehë të ngrohtë, nëse mundeni. /tesheshi.com/
