Një hidraulik nga Teksasi, është zhytur, në kuptimin e plotë të fjalës në punën e tij deri në atë masë, sa është bërë yll i rrjeteve sociale.
Në fakt, Andrea Adams kishte thirrur hidraulikun Jimmie Cox për të riparuar një tub të plasaritur në oborrin e shtëpisë së saj. Duke mos pasur idenë se në cilin vend ishte dëmtuar saktësisht tubi, ai ka hapur një gropë të madhe dhe është zhytur në ujin e ndotur deri në bel.
Kjo skenë ka habitur deri në atë masë Andrean, sa që ka bërë një foto të cilën më pas e kishte postuar në Facebook, duke falënderuar hidraulikun për angazhimin vetëmohues dhe për punën të cilën e kryen me aq përkushtim.
Fotografia shpejt është bërë hit dhe është shpërndarë nëpër rrjetet sociale.
Nuk ka nevojë të përmendim se kërkesa për Xhimin e vyer dhe të përkushtuar është shtuar ndjeshëm pas publikimit të fotografive. /tesheshi.com/
