Kiyoto Saito tashmë është bërë i famshëm si “fshatari më elegant në botë”. Ai punon çdo ditë i veshur me xhaketë dhe kravatë, qoftë kur grah një traktor apo kur punon në orizore i shytur në ujë deri në gjunjë.
Familja e Kiyoto-s punon si fermer prej 400 vitesh. Në fillim ai nuk donte të ndiqte traditën e familjes, e për këtë arsye ishte zhvendosur në qytet. Por pas dy vjetësh ai vendos të kthehet e të ndihmojë familjen e tij.
Fillimisht, ideja për të punuar i veshur me konstum lindi si shaka: kur Kiyoto u kthye nga qyteti, i vëllai e tallte për zakonet e tij prej “qytetari” dhe e pyeti nëse mendonte të punonte në ara i veshur me konstum. Megjithatë, Kiyoto e mori seriozisht këtë. E përdori këtë rast për të ndryshuar mendimin që shumë persona kanë për njerëzit që punojnë në ara.
“Shumica e njerëzve mendojnë se ata që punojnë në ara janë njezër të pistë e të varfër. Dua që të rinjtë të fillojnë të mendojnë se të jesh fshatar është diçka zbavitëse.”
Në fillim, ideja e tij jo vetëm që nuk u mbështet, por disa u ndjenë të ofenduar duke menduar se ai donte të tallej me punën e fshatarëve. Vetëm pasi e kuptuan se ai e kishte seriozisht dhe se mundohej t’i jepte një vlerë të shtuar punës në ara, fshatarët e tjerë filluan ta përkrahin. /tesheshi.com/
