Arya Permana konsiderohet si një nga fëmijët më obez në botë. Ai është vetëm 10 vjeç dhe peshon plotë 192 kilogramë. Është një rekord negativ, i cili ka shqetësuar tej mase prindërit e tij, të cilët prej pak kohe kanë nisur të kenë frikë se i biri mund të ndërrojë jetë për shkak të mbipeshës.
Familja, e cila është me origjinë nga një fshat të quajtur Cipurwasari në Indonezi, ka hyrë shumë shpejt në guiess. Arya ushqehet pesë herë në ditë me një sasi ushqimi me të cilën mund të ushqehen dy të rritur.
Oriz, peshk, mish, supë me perime dhe për të përmbyllur menynë e shijshme, një pjatë tradicionale të vendit. Por ky regjim ushqimor i shkakton jo vetëm pak probleme, pasi për të shkuar në shkollë ka nevojë për një person që ta shoqërojë, duke qenë se nuk mund të ecë.
“Im bir po shëndoshet me ritme shumë të shpejta dhe jam e shqetësuar për shëndetin e tij. Po i jap më pak ushqim por duket se kjo gjë nuk po funksionin. Nuk po gjej ndonjë mënyrë tjetër për të pasur rezultat dhe kam nevojë për ndihmë”, – ka thënë Rokayah Somantri, nëna e fëmijës. /tesheshi.com/
