Një elefant në Zimbabve ka mbijetuar mrekullisht pasi u godit në kokë nga disa gjuetarë elefantësh. Kafsha, emri i së cilës është vendosur Pretty Boy, është kuruar në Aware Trust Zimbabwe dhe ka arritur të mbijetojë më së miri e të ngrihet në këmbë pas sulmit që pësoi.
Pretty Boy u godit pranë Mana Pools National Park në Zimbabve, një vend i populluar nga kontrabanduesit e kafshëve. Nëse plumbi do ta kishte goditur vetëm pesë centimetra më poshtë, elefanti do të kishte ngordhur në vend, por ai arriti të shpëtonte dhe të jetonte i vetëm për një periudhë tre ose gjashtë javorëshe përpara se të gjendej dhe të ndihmohej nga veterinerët.
Në një komunikatë të publikuar në Facebook nga organizata lexohet: “I bëmë një radiografi të kafkës, e cila tregoi për prezencën e një plumbi të deformuar. Goditja nuk ishte fatale, pasi është goditur lart, dhe plumbi i ka shkatuar vetëm disa fraktura në kafkë”. /tesheshi.com/
