E çuditshme, por e vërtetë. Ajo ka 101 vite mbi supe dhe është atlete. Bëhet fjalë për Man Kaur, nga India, e cila fitoi garën e 100 metrave në “World Masters Games”, të zhvilluar ne Auckland të Zelandës së Re.
Asaj iu deshën 1 minutë e 14 sekonda pë të përfunduar këtë garë, ndërsa ishte e vetme që merrte pjesë në këtë event.
Forma e habitshme fizike ka bërë që Kaur të etiketohet nga mediat neozelandeze si “mrekullia nga Chandigarh”.
Atletja nga Punjabi e kremtoi me një kërcim të lehtë fitoren dhe në ceremoninë e dorëzimit të medaljes u tha reporterëve se “do të vazhdojë të mbetet e fortë deri në fund të jetës”.
“Jam shumë e lumtur që jam këtu. Të gjithë këta më duken si fëmijët e mi. Unë sjell me vete lumturi. Eci, vrapoj, gatuaj. Jam një njeri plot hare”, shprehet atletja.
Përpara se t’i hynte garës, Kaur iu nënshtrua një kontrolli të imtësishëm mjekësor në mënyrë që të shihej sesa do ta përballonte e moshuara sforcimin.
Karrierën në atletikë, gruaja e nisi në moshën 93-vjeçare me ndihmën e djalit të saj, Gurdev./tesheshi.com/
