Ne kemi parë shumë punë artistike të bukura por veprat e Mariusz Kędzierski janë veçanërisht mahnitëse dhe frymëzuese. Kjo sepse 23-vjeçari nga Polonia arrin të pikturojë pavarësisht se nuk i ka duart.
Për shtatë vite Mariusz ka arritur të përfundojë mbi 700 vepra arti.
Shkaqet se përse ai ka lindur pa duar nuk janë të njohura. Artisti iu është nënshtruar disa operacioneve kur ishte i vogël por asnjëri nuk dha rezultat. Pas operacionit të tij të fundit në moshën 16-vjeçare, vendosi të mos priste më gjatë dhe thjesht të vazhdonte ëndrrat e tij. Kështu që filloi të mësonte veten e tij të pikturonte dhe më vonë u regjistrua në Akademinë e Arteve dhe Dizajnit të E. Geppert në Wroclaw.
Sot, Mariusz është në gjendje të krijojë portrete jashtëzakonisht realiste. Një nga portretet e tij mori çmimin e dytë si Best Global Artist Award në vitin 2013 në Vjenë.
“Unë dua të frymëzoj njerëzit, tu tregoj atyre se kufijtë janë në kokat tona”- ka thënë ai për Bored Panda./tesheshi.com/
