MESAZHI/ Njeriu që zemëroi Beogradin: thirrje 5-shes së BE-së që s’e kanë njohur Kosovën

Kroacia po u kërkon anëtarëve të fundit të Bashkimit Evropian të njohin pavarësinë e Kosovës, tha ministri i Jashtëm Gordan Grlicc Radman, njeriu qw javw mw parw vizitoi Kosovwn dhe zemwroi Beogradin me disa nga deklarimet e tij.

Kosova shpalli pavarësinë në 2008, e njohur nga qindra vende, përfshirë të gjithë anëtarët e BE përveç Qipros, Greqisë, Rumanisë, Spanjës dhe Sllovakisë.

“Kroacia inkurajon pesë anëtarët e tjerë të BE të njohin Kosovën, sepse kjo do të kontribuonte në stabilizimin e rajonit dhe vetë Kosovës,” u tha Grlicc Radman gazetarëve në Bratislavë.

Ministri i jashtëm kroat po merr pjesë në konferencën ndërkombëtare GLOBSEC në kryeqytetin sllovak, e cila do të diskutojë gjithashtu situatën në Ballkanin Perëndimor.

Pa rivendosur kufij

Ministri kroat tha se tre gjëra ishin kryesore për stabilitetin e rajonit: respektimi i integritetit territorial të shteteve, barazia kushtetuese e boshnjakëve, serbëve dhe kroatëve në Bosnjë dhe vendosja e besimit të ndërsjellë pas luftërave të viteve 1990.

“Integriteti territorial i shteteve të Ballkanit duhet të ruhet dhe respektohet, prandaj, pa rivendosur kufijtë, siç kemi dëgjuar në muajt e fundit duke qarkulluar disa ‘Jo-letra’ të famshme që ishin lwshuar në atë drejtim,” tha Grlić Radman.

Ai beson se besimi mund të arrihet përmes bisedave të ndershme, zgjidhjes së fatit të të zhdukurve, ndjekjes penale të krimeve të luftës dhe dhënies së drejtësisë për viktimat. /tesheshi.com/