Afrikano-amerikani 62-vjeçar Frank R. James është i arrestuari si autor i një sulmi me metronë e Brooklyn-it, ku mbetën të plagosur me dhjetra persona.
https://twitter.com/i/status/1514300563932000258
Prokurorët e akuzuan autorin për terrorizëm për shënjestrimin e një turme njerëzish.
Ai mund të dënohet me burgim të përjetshëm, sipas avokatit amerikan Braun Peace.
Megjithatë, siç thekson avokati, ende nuk ka prova të mjaftueshme për të lidhur Frank R. James me organizatat terroriste.
Autori, sipas raportimit, ka ngarkuar një sërë videosh në Youtube dhe rrjete sociale “plot urrejtje dhe zemërim”.
Video shows NYPD officers taking the suspect in the Brooklyn subway shooting into custody in Manhattan on Wednesday. https://t.co/t7DmNzX6Wr pic.twitter.com/6hXiBiQa9i
— CBS News (@CBSNews) April 13, 2022
“Kolegët e mi njujorkezë, ne e kapëm atë!” tha kryetari i bashkisë së New York-ut Eric Adams në një konferencë shtypi. “Ne do të mbrojmë njerëzit e këtij qyteti dhe do të arrestojmë ata që besojnë se mund të përhapin terror te njujorkezët,” tha ai.
Frank James, i cili u arrestua në lagjen East Village të Manhatanit, thuhet se u identifikua nga kalimtarët të cilët postuan foto të tij në rrjetet sociale, të cilat policia i përdori për ta gjetur atë.
Policia kishte nisur një gjueti për të gjetur Frank James, i cili akuzohet se hodhi tymuese në një tren të metrosë dhe qëlloi 10 pasagjerë. 13 persona të tjerë mbetën të plagosur teksa tentuan të largoheshin nga vagoni në të cilin mbizotëronte paniku.
Sulmi ndodhi teksa qyteti i New York-ut po përballet me një përshkallëzim të krimit. Në tremujorin e parë të vitit 2022, numri i rasteve të dhunës së armatosur në New York u rrit nga 260 në 296 krahasuar me të njëjtën periudhë të vitit 2021, sipas të dhënave nga Departamenti i Policisë së atyshme të publikuara javën e kaluar.
Policia tha më herët se 62-vjeçari kishte marrë me qira një kamion U-Haul me targa të Arizonës dhe ishte në West Third Street pranë Kings Highway të martën vonë pasdite.
Autoritetet besojnë se James jetonte në kamion sepse rrobat dhe produktet e tij të kujdesit personal ishin brenda.
Në një video të CBS, pak para sulmit, burri duket se po ecte në një rrugë të Bruklinit, duke mbajtur një valixhe dhe çantë shpine, në të cilën ai mund të ketë vendosur mjetet shpërthyese të gjetura në vendngjarje. /tesheshi.com/
