Në deklaratën e tij në dyert e SPAK-ut, shkuar aty për të dhënë llogari para hetuesve për aferën e përfolur CEZ-DIA, Ilir Meta atakoi një person pa ia përmendur emrin. “…Është një telenovelë që është gjykuar nja dy herë, që është rihapur për rastin konkret në dhjetor 2019 nga një kallëzues i rremë që është dënuar dy herë për shpifje dhe një herë për dhunë në familje”, tha kreu i Lirisë.
Po kush është ky njeri që Meta s’guxon t’ja thotë emrin?
Bëhet fjalë për juristin Romeo Kara, njeriu që në fakt ka denoncuar atë që ai e cilëson aferë të rëndë korruptive CEZ-DIA, pasi ka qenë vetë jurist në procesin e privatizimit nga çekët në kohën e qeverisjes Berisha-Meta.
Menjëherë pas deklaratës së Metës, ka reaguar Kara:
“Likja kishte gjithe kohen e duhur, per te me kallezuar per kallezim te rremë, por, kurre nuk e beri, pasi besoi se, kurre nuk do te vinte dita e se vertetes per të.
E keshilloj te interesohet ne Gjykaten e Apelit Tirane, per t’u informuar per pafajesine time.
Edhe nese do te isha i denuar 100 here, per cfaredo lloj vepre penale qofte, ligji nuk ma heq te drejten, per te kallezuar cdo veper penale, perfshire edhe korrupsionin e pushtetareve dhe ish-pushtetareve.
Perkundrazi, moskallezimi do te ishte realisht veper penale.
Kjo ceshtje, korrupsioni i aferes DIA-CEZ, nuk eshte hapur dhe mbyllur asnje here me pare edhe pse ka mbi gjashte vjet ne prokurori.
Pra eshte Meta qe genjen, shpif dhe mikson ceshtjet, sipas interesit te tij.
Megjithate, duhet t’a kuptojme se, realisht eshte ne hall te madh…”, shkruan ai.
Ndërkohë, pas daljes nga SPAK, Meta deklaroi: “Përgjigja ime është përsëri ajo që kam thënë më parë, ajo që po them përsëri dhe që do ta theksoj në çdo rast tjetër: nuk ekziston asnjë akt, asnjë shkresë, asnjë dokument, asnjë urdhër, asnjë iniciativë, për ligje, për akte nënligjore dhe gjithçka tjetër, nga Ilir Meta në detyrat e tij si zv.kryeministër apo ministër i Ekonomisë në interes të askujt, përfshirë këtu edhe DIA-n, edhe CEZ-in…”. /tesheshi.com/
