Hetimet pas sulmit terrorist në rrugën Istiklal të Stambollit më 13 nëntor, ku mbetën të vrarë 6 persona dhe 81 të tjerë u plagosën, vazhdojnë me koordinim të Prokurorisë së Republikës në Stamboll.
Në foton e publikuar nga policia shihet Bilal Hassan.
Fotoja është bërë derisa i dyshuari qëndron përballë simbolit të YPG-së me uniformë kamuflazhi.
Siç njofton Ministria e Punëve të Brendshme turke, në kuadër të hetimeve pas sulmit terrorist janë arrestuar 59 të dyshuar, ndërsa 24 prej tyre janë ndaluar.
Ministri i Brendshëm turk Suleyman Soylu njoftoi dje se vëllai i terroristit të arratisur Bilal Hassan ishte arrestuar teksa merrte pjesë në një chat room në rrjetin social Tëitter.
“Në fushatën e saj më shumë se 35-vjeçare kundër Turqisë, PKK, e cila renditet si një organizatë terroriste nga Turqia, SHBA dhe Bashkimi Evropian, është përgjegjëse për vdekjen e më shumë se 40,000 njerëzve, duke përfshirë gra, fëmijë dhe të moshuar. YPG është dega siriane e kësaj organizate”, thotë Anadolu Agency. /tesheshi.com/
