Përfaqësuesi i lartë i sapoemëruar i bashkësisë ndërkombëtare në Bosnjë, Christian Schmidt, tha të shtunën se përparimi më serioz nga gjashtë vendet e Ballkanit Perëndimor drejt Bashkimit Evropian kërkon heqjen e mosmarrëveshjeve dhe pengesave që ekzistojnë midis shteteve.
Ai e tha këtë në një fjalim në Forumin e 14-të të Dubrovnikut, në panelin “Komuniteti Ndërkombëtar dhe Ballkani Perëndimor: Si t’i japim fund karantinës?”.
Ai theksoi se pyetja kryesore e BE është nëse duhet të mbahen gjashtë vendet e Ballkanit Perëndimor së bashku dhe të kryhen procese të pjesshme të integrimit midis tyre, të cilat mund të çojnë në të ashtuquajturën Shengen të Madh.
Ekziston një avantazh krahasues për të qenë anëtar i integrimit evropian, i cili mund të shihet në programin COVAX, tha ai.
“Shtetet e Bashkuara kanë bërë shumë për Ballkanin Perëndimor në momente kritike në të kaluarën, ndoshta më shumë sesa evropianët, të cilëve u duhej më shumë kohë për të kuptuar se çfarë të bënin,” shtoi Schmidt.
Ai veçanërisht paralajmëroi për rëndësinë e investimit në brezat e rinj përmes arsimit, sepse, siç tha, ata kanë potencialin për të përshpejtuar procesin e pajtimit.
Në këto deklarime vihet re promovimi për herë të parë i nocionit “Shëngen i Madh”, si dhe theksimi i meritave amerikane më shumë se atyre europiane, na sfidat e rajonit. /tesheshi.com/
