Politikani më i mundshëm për të drejtuar diplomacinë e Gjermanisë, nëse Angela Merkel fiton e vetme shumicën, Davit Mcallister, i cili negocojë të pajtojë Edi Ramën me Lulzim Bashën, i ka hyrë misionit të përfundojë një marrëveshje mes Beogradit dhe Prishtinës.
Mcallister, i cili është kreu i Komisionit të Jashtëm të Parlamentit Europian, ishte në një mision diplomatik në Beograd, ku i ka shprehur “alla gjermançe” kryeministres Ana Brnabiç, se Serbia do të përparojë drejt BE vetëm nëse mbyll marrëveshjen e pajtimit me Kosovën.
Është televizioni më i madh serb B92 që jep detaje për takimin mes njeriut më të afërt të Angela Merkelit për politikën e jashtme dhe njeriut më të afërt të Aleksandër Vuçiçit, përkatësisht kreut të qeverisë serbe.
Por siç bën të ditur B92, Brnabiç ka folur si tekniciene, duke theksuar se “pret nga BE-ja që të vlerësojë Serbinë në bazë të performancës së zbatimit të kushteve më shumë se të vendosë shtrëngime”.
Por Mcallister ka shtuar se “një nga kushtet bazë të integrimit europian është marrëdhëniet ndërkufitare, ku marrëveshja me Kosovën është kusht bazë dhe i patjetërsueshëm”.
/tesheshi.com/
