Këshilltari për Siguri Kombëtare i Shtëpisë së Bardhë, John Bolton pritet që së shpejti të vizitojë Prishtinën dhe Beogradin. Këto janë pretendimet e mediave serbe, të cilat thonë se vizita pritet të kryhet në fund të gushtit apo fillimit të shtatorit.
Bolton thuhet se do të nxjerrë temën e dialogut sërish mbi tavolinë, duke godit siç thanë ata “pikën e vdekur”.
Por burimet e mediave serbe pretendojnë se vizita e z.Bolton varet edhe nga heqja e taksës së mallrave nga ana e Kosovës, veprim të cilin SHBA e ka preferuar tash e sa kohë.
Thuhet se vizita e Bolton në Kosovë do të imponohet pikërisht me heqjen e taksës.
Bolton me deklaratën e tij një vit më parë se SHBA nuk e përjashton mundësinë e korrigjimit të kufijve, ka nënkuptuar edhe ndryshimin e politikës së Uashingtonit sa u përket kufijve në Ballkan. /tesheshi.com/
