Njeriu i Reçakut, ish-ambasadori William Wolker, po viziton sërish Kosovën, e kjo në prag të 21-vjetorit të asaj ngjarjeje të rëndë, e cila shërbeu si nisje e ndërhyrjes ndërkombëtare në Kosovë.
E kam kujtim të qartë se çfarë ka ndodhur atë ditë dhe çfarë ka ndodhur pas asaj ngjarje nga një konferencë në Londër dhe Rambuje, pasi ndërkombëtarët më ftuan të flasë se çfarë po ndodhte në Kosovë dhe se çfarë do të duhej bërë, e që pasoi të jetë fushata e bombardimeve të NATO-s dhe çlirimi i Kosovës”, tha ai për RTK-në.
Ëalker foli për lidhjen e tij me ata njerëz, aty në fshatin e njohur të Shtimjes, emri i së cilit lidhet me një tragjedi me autorë serbët.
“Njerëzit në Reçak janë si një familje për mua, njerëz të mrekullueshëm që kanë sakrifikuar shumë siç kanë bërë edhe shumë banorë të fshatrave tjera në Kosovë në atë kohë”, shtoi ai.
Ai tha se është prekur nga fakti se disa nga liderët e rinj politik po e harrojnë Reçakun.
“E di që ca prej tyre po harrojnë Reçakun, e dinë emrin, e dinë kuptimin, por është një gjeneratë e re e cila po vjen dhe shpresoj që ajo do të vazhdojë të dëgjojë mbi Reçakun”, tha ai.
Duke folur për mohimin e asaj çfarë ndodhi, ish-ambasadori Walker tha se ajo që ndodh me politikën serbe tregon trashëgimi millosheçiane.
“Ishin fjalë të ngjashme si nga ana e Sllobodan Millosheviçit, i cili tha në Hagë të njëjtat fjalë, bëri të njëjtin mohim 20 vjet më pas kur të gjitha dëshmitë ishin aty. Unë kam përshkruar atë që kam parë…”, tha ai.
Ish-shefi i misionit të OSBE-së takoni dhe liderin e Vetëvendosjes Albin Kurtin, ku tha se shpreson që shumë shpejt të formohet qeveria në Kosovë.
“Vendi pa qeveri është vështirë shtet. Juve ju duhet një qeveri. Pritshmëritë janë të mëdha, se ju keni një mundësi, me një njeri të ri. Jam shumë i interesuar të shoh se kur kjo do të ndodh dhe shpresoj se do të ndodhë së shpejti”, u shpreh Walker pas takimit me Kurtin. /tesheshi.com/
